Teatro á feira. festa de teatro emerxente

COMEZA O OBRADOIRO DE TEATRO PARA NEN@S no San Xerome Emiliani

                           

OBRADOIRO DE TEATRO MUNICIPAL...cancelado!!!

Atención, atención!!obradoiro cancelado!!

COMEZA O OBRADOIRO DE TEATRO (no San Xerome Emiliani)

MAÑÁ MÉRCORES ÁS 19:00 COMEZA O OBRADOIRO DE TEATRO DE ADULTOS ORGANIZADO DESDE O C.S FUSCALHO.   AÍNDA QUEDAN PRAZAS LIBRES!!

AS CLASES REALIZARANSE NO XIMNASIO DO COLEXIO SAN XEROME, ONDE TRABALLAREMOS, APRENDEREMOS E DISFRUTAREMOS MOOOOITO DO TEATRO!!!

OBRADOIROS DE TEATRO NA GUARDA

Ola amigos e amigas da cultura e as artes!!  Hoxe unha nova entrada anunciando un Obradoiro de Teatro que se vai realizar na Guarda.  

O c.s Fuscalho está publicitando diferentes obradoiros que se impartirán na propia sede do centro social, algúns deles incluidos dentro do funcionamento do Banco do Tempo da Guarda.

Animádevos a participar, aínda quedan prazas no obradoiro de Teatro!! Podedes anotarvos pasando polo c.s Fuscalho, na rúa Colón, ao lado da Praza do Reló, ou ben poñervos en contacto directamente comigo, a través do enderezo electrónico: 

evaferreiro023@hotmail.com ou do número de teléfono 699299344.

Os obradoiros que imparto son os de Teatro para nen@s e adult@s:

TEATRO PARA NEN@S (ata 15 anos)........MÉRCORES de 17:OOH a 18:3OH

TEATRO PARA ADULT@S........................MÉRCORES de 19:OOH a 2O:3OH

LUGAR:        XIMNASIO DO COLEXIO SAN XEROME EMILIANI.

PARA PASAR UN BO RATO, COÑECERNOS A NÓS MESMOS, A OUTRA XENTE, MOVERNOS E ENTENDERNOS MELLOR E....SER ARTISTAS!!  ANIMÁDEVOS!!!

INICIO DOS OBRADOIROS DE TEATRO NO COLEXIO DE OIA

 O noso camiño comeza xogando.  É xogando como aprendemos a relacionarnos, a ser independentes, a disfrutar do pracer de estar vivos.
Tamén xogando é como aprendemos a facer teatro. Só que o xogo, tan necesario para os nenos, non remata nunca de ser o mecanismo máxico que permite que o teatro exista.


Facemos teatro para non deixarmos de xogar, para que a imaxinación teña tamén o seu lugar nas ensinanzas formais e non formais e para que sigamos tendo confianza nos nenos e no seu potencial creativo.

Gianni Rodari, un gran amante e amigo dos nenos, dicía na súa Gramática da Fantasía:

"Todos os usos da palabra para todos, paréceme un bo lema e con agradable son democrático.  Non para que todos sexan artistas, senon para que ninguén sexa escravo"

Pois iso, que xogaremos, aprenderemos e bailaremos coas palabras ao son da música da imaxinación!!

Contos para xogar, de Gianni Rodari

O luns comezamos a nosa andaina cos obradoiros de Teatro infantil no CEIP Mestre Manuel García de Oia! 

Se vos gusta o teatro, aínda estades a tempo de solicitar un obradoiro de Teatro infantil, xuvenil e para adultos.  Anima aos teus coñecidos, e ponte en contacto comigo a través do enderezo electrónico do meu blog!!

Actividades teatrais para a zona do Baixo Miño

Ola a tod@s, presento aquí unha programación de actividades teatrais, para calquera interesado en formar un grupo, ou organizar obradoiros de teatro na súa vila, para unha asociación cultural, de veciños...etc.  Contacto na dirección de correo: evaferreiro023@hotmail.com

Obradoiros de Teatro Infantil

(ata 15 anos)

Horarios:

1 hora e media á semana cada obradoiro (de outubro a xuño).

*Posibilidade de combinar os obradoiros.

Obradoiros:

Teatro e Creación Literaria:

Creación e adaptación de contos, fábulas, historias populares e literatura dramática, etc., mediante ferramentas creativas.

Realización de improvisacións, xogos dramáticos, traballo actoral e posta escena dunha peza teatral creada polos alumnos.

Teatro con Obxetos:

Creación de máscaras, monicreques, teatro de sombras e elementos de atrezo. Ademais crearanse escenografías e atmosferas sonoras e visuais.

Creación colectiva dunha peza para a súa posterior representación.

Materiais:

Os materiais empregados para este tipo de obradoiros serán principalmente de refugallo e estarán incluidos no prezo do obradoiro concreto.

Obradoiros de Teatro de Adultos

(a partires de 16 anos)

Horarios:

1 hora e media á semana cada obradoiro (de outubro a xuño).

*Posibilidade de combinar os obradoiros.

Obradoiros:

Teatro clásico:

Traballo grupal de creación e representación dunha peza do repertorio de teatro clásico elixida polo alumnado. No inicio de curso traballaremos diversos estilos, correntes e épocas no teatro (teatro grego, teatro romano, século de ouro español e inglés, comedia da arte, comedia francesa, farsa, melodrama, traxedia romántica, teatro costumista, teatro nacional e galego).

Teatro contemporáneo:

Introdución ás novas linguaxes escénicas e artísticos postmodernos iniciados a partir da segunda metade do século XX mediante exercicios grupales de improvisación e creación.

Traballaranse diversos textos de autores contemporáneos e realizarase unha selección dos mesmos a partir da cal se creará e representará unha peza teatral.

Formación actoral: 

Realizarase un adestramento integral do actor mediante a posta en práctica de exercicios de voz, corpo e interpretación. 
Ademáis traballaranse de forma complementaria outras formas de expresión, como a danza, o canto, o teatro xestual, e o teatro de obxectos.

Mostra creativa: neste obradoiro non se busca mostrar un resultado, un produto. Non obstante realizarase unha mostra co resultado dos traballos dos alumnos durante o obradoiro, unidos mediante un fío conceptual para crear un pequeno espectáculo.

Este obradoiro poderá ser complementario dos outros, posto que ter a opción de manter un día á semana para formación, permitirá que aquelas persoas que non poidan comprometerse a participar nunha montaxe dunha obra, por motivos de dispoñibilidade ou outros, polo menos teñan a posibilidade de atopar un espazo onde poder desenvolver o seu potencial teatral.

Esta opción tamén está indicada para aquelas persoas que se inicien por primeira vez na práctica do teatro.